டாப்-10 நிறுவனங்களில், ரிலையன்ஸ் இண்டஸ்ட்ரீஸ், டாடா கன்சல்டன்சி சர்வீசஸ், எல்ஐசி மற்றும் எஸ்பிஐ ஆகியவை நல்ல லாபத்தை அடைந்தன. இதையடுத்து இந்த நிறுவனங்களின் சந்தை மதிப்பு மொத்தமாக ரூ.2,18,598.29 கோடியாக உயர்ந்தது. அதே நேரத்தில் ஹெச்டிஎஃப்சி வங்கி, ஐசிஐசிஐ வங்கி, இன்ஃபோசிஸ், பார்தி ஏர்டெல், ஹிந்துஸ்தான் யூனிலீவர் மற்றும் ஐடிசி ஆகியவை அவற்றின் மதிப்பில் ரூ.1,06,631.39 கோடி மதிப்பிலான சரிவைச் சந்தித்தன.
டிசிஎஸ் ரூ. 61,435.47 கோடி அதிகரித்து, அதன் சந்தை மதிப்பு ரூ.15,12,743.31 கோடியாக உயர்ந்துள்ளது. ரிலையன்ஸ் நிறுவனமும் வளர்ச்சி கண்டு, ரூ.5,108.09 கோடியிலிருந்து ரூ.19,77,136.54 கோடியாக உயர்ந்தது. இதையடுத்து டிசிஎஸ் பங்குகள் செவ்வாய்க்கிழமை வர்த்தகத்தில் 4 சதவீதம் உயர்ந்து, சந்தை மதிப்பீட்டில் ரூ.15 லட்சம் கோடி என்ற நிலையை அடைந்தது. இருப்பினும், சில நிறுவனங்கள் தங்கள் சந்தை மூலதனத்தில் சரிவை சந்தித்தன. ஹெச்டிஎஃப்சி வங்கியின் மதிப்பு ரூ.32,963.94 கோடி குறைந்து ரூ.10,65,808.71 கோடியாக இருந்தது. அதே நேரத்தில் ஐடிசி ரூ.30,698.62 கோடி சரிந்து ரூ.5,18,632.02 கோடி என்ற நிலையை அடைந்தது. பார்தி ஏர்டெல்லின் சந்தை மூலதனம் ரூ.16,132.15 கோடி குறைந்து ரூ.6,31,044.50 கோடியாகவும், இன்ஃபோசிஸ் ரூ.10,044.09 கோடி சரிந்து ரூ.6,92,980.35 கோடியை எட்டியது.மேலும், ஐசிஐசிஐ வங்கியின் மதிப்பு ரூ.9,779.06 கோடி குறைந்து ரூ.7,09,254.77 கோடியாகவும், ஹிந்துஸ்தான் யூனிலீவர் ரூ.7,013.53 கோடி சரிந்து ரூ.5,69,587.91 கோடியாக இருந்தது. டாப்-10 மிகவும் மதிப்புமிக்க நிறுவனங்களின் வரிசையில், ரிலையன்ஸ் இண்டஸ்ட்ரீஸ் அதன் முதல் இடத்தைத் தக்க வைத்துக் கொண்டது. அதற்கு அடுத்த இடத்தில் டிசிஎஸ், ஹெச்டிஎஃப்சி வங்கி, ஐசிஐசிஐ வங்கி, இன்ஃபோசிஸ், எல்ஐசி, எஸ்பிஐ, பார்தி ஏர்டெல், ஹிந்துஸ்தான் யூனிலீவர் மற்றும் ஐடிசி ஆகியவை உள்ளன.
பெண்கள் வேலைக்கு சென்றால் தவறா? எது சிறந்த சேமிப்பு?
