நாடாளுமன்ற குழு விமான கட்டணங்கள் ஒவ்வொரு ரூட்டிற்கு குறிப்பிட்ட வரம்புக்குள் இருக்க வேண்டுமென தெரிவித்துள்ளது. மேலும் விமான டிக்கெட் விலையை கட்டுப்படுத்த தனி அமைப்பை உருவாக்கவும் திட்டமிடப்பட்டுள்ளது.
இதையடுத்து இன்டர்குளோப் ஏவியேஷன் பங்குகளின் விலை கிட்டத்தட்ட 5% சரிந்தது. ஸ்பைஸ் ஜெட் நிறுவனத்தின் பங்கும் 5.5% வரை சரிவைக் கண்டது.கோ ஏர் விமானங்கள் பண நெருக்கடிக்கு மத்தியில் தரையிறக்கப்பட்டதால், இண்டர்குளோப் ஏவியேஷன் மற்றும் ஸ்பைஸ் ஜெட் போன்ற செயல்பாட்டு விமான நிறுவனங்கள் பெரும் நெருக்கடியில் சிக்கியுள்ளன. விமான நிறுவனங்களின் செயல்பாடுகள் மூன்றாவது காலாண்டில் சிறப்பாக அமையுமா என எதிர்பார்த்து காத்திருந்த நிலையில் இந்த அறிவிப்பு வெளியாகி உள்ளதால் விமான போக்குவரத்து நிறுவனங்களின் பங்கு விலை வீழ்ச்சி அடைந்துள்ளது. இன்டர்குளோப் ஏவியேஷன் ஏற்கனவே 3வது காலாண்டில் செயல்பாடுகள் மூலம் வருவாயை 30.3% அதிகரித்து ரூ.19,452 கோடியாக அறிவித்துள்ளது. முந்தைய ஆண்டின் காலாண்டில் ரூ.5475 கோடியாக இருந்த வட்டி வரித் தேய்மானம் மற்றும் கடனைத் திருப்பிச் செலுத்துவதற்கு முந்தைய வருவாய் ரூ.3399 கோடியாக இருந்தது. அதாவது நிறுவனத்தின் வருவாய் வளர்ச்சி 61 சதவிகிதம் அதிகரித்துள்ளது. அந்நியச் செலாவணி இழப்பைத் தவிர்த்து, முந்தைய ஆண்டின் காலாண்டில் கிடைத்த லாபம் ரூ.2009 கோடியுடன் ஒப்பிடும்போது, 51.8% அதிகரித்து ரூ.3049 கோடியாக இருந்தது.விமான நிறுவனங்கள் விமானக் கட்டணங்களைக் கட்டுக்குள் வைத்திருந்தால், 2025ம் நிதியாண்டில் விமான சேவையின் தேவை 15 சதவிகிதம் வரை வளர்ச்சி அடையக்கூடும் என ஆய்வாளர்கள் கூறுகின்றனர்.
பெண்கள் வேலைக்கு சென்றால் தவறா? எது சிறந்த சேமிப்பு?
