Maruti Suzuki MY2023: மாருதி சுசுகி நிறுவனத்தின் கிராண்ட் விடாரா தொடங்கி ஜிம்னி வரையிலான,  கார் மாடல்களுக்கு சலுகைகள் அறிவிக்கப்பட்டுளன.

மாருதி சுசுகி நிறுவனத்தின் சலுகை:

மாருதி சுசுகி  தனது நெக்ஸா மாடல்களான கிராண்ட் விட்டாரா, ஜிம்னி, பலேனோ மற்றும் இக்னிஸ் போன்றவற்றிற்கு, பிப்ரவரி மாதத்தில் கவர்ச்சிகரமான தள்ளுபடிகள் மற்றும் பலன்கள் அறிவிக்கப்பட்டுள்ளன. இவை ரொக்கத் தள்ளுபடிகள் மற்றும் பரிமாற்றச் சலுகைகள் வடிவில் வழங்கப்படும்.  MY2023 மற்றும் MY2024 ஆகிய இரண்டு உற்பத்தி அலகுகளிலும் கிடைக்கும். இந்த சலுகைகள் ஒவ்வொரு நகரத்திற்கும் ஏற்ப மாறுபடுவதோடு, ஸ்டாக் கையிருப்பிற்கு ஏற்ப வேறுபடும்.  அதேநேரம்,  XL6 மற்றும் Invicto MPV மாடல் கார்களுக்கு எந்த சலுகைகளும் அறிவிக்கப்படவில்லை.

Maruti Suzuki Grand Vitara discounts:

கிராண்ட் விடாரா ஹைப்ரிட்டின் 2023 மாடல்களுக்கு, ரூ.75,000 வரையில் சலுகைகள் வழங்கப்படுகிறது. இதில் பணத் தள்ளுபடிகள் மற்றும் எக்சேஞ்ச் சலுகைகளும் அடங்கும். இதற்கிடையில், MY2024 யூனிட்கள் ரூபாய் 50,000 மதிப்பிலான சலுகைகளுடன் பட்டியலிடப்பட்டுள்ளன. இதில் எக்ஸ்சேஞ்ச் சலுகை மட்டுமே அடங்கும். கிராண்ட் விட்டாராவின் வழக்கமான பெட்ரோல் வேரியண்ட்கள் முறையே, MY2023 மற்றும் MY2024க்கு ரூ.45,000 மற்றும் ரூ.30,000 வரையிலான பலன்களுடன் பட்டியலிடப்பட்டுள்ளன. 

Maruti Suzuki Jimny discounts:

நெக்ஸா வரிசையின் அதிகப் பலன் ஜிம்னி மாடலில் கிடைக்கிறது. டாப்-ஸ்பெக் ஆல்ஃபா டிரிமிற்கு ரூ. 1.50 லட்சம் ரொக்க தள்ளுபடி தொடர்ந்து வழங்கப்படுகிறது. அதே சமயம் லோயர் ஜீட்டா டிரிம்மிற்கு ரூ. 50,000 தள்ளுபடி அறிவிக்கப்பட்டுள்ளது. இருப்பினும், இவை MY2023 யூனிட்களுக்கு மட்டுமே பொருந்தும். ஜிம்னியின் MY2024 யூனிட்களுக்கு எந்தப் பலன்களும் பட்டியலிடப்படவில்லை. எஸ்யூவி ஆஃப்-ரோடு திறன் கொண்டதாக இருந்தாலும், அதிகபட்ச விலை  அதன் விற்பனையை மந்தமாக்கியுள்ளது.

Maruti Suzuki Ignis discounts:

மாருதி சுசுகி  இக்னிஸ் மேனுவல் 2023 மாடல் ரூ. 55,000 வரை தள்ளுபடி பெறுகிறது. அதே நேரத்தில் ஆட்டோமேடிக் வகைகளுக்கு ரூ. 50,000 வரை தள்ளுபடி வழங்கப்படுகிறது. 2024 மாடல்களுக்கு, தள்ளுபடிகள் சற்றே குறைவாக இருந்தாலும் கணிசமாக உள்ளது. 2024 இல் தயாரிக்கப்பட்ட மேனுவல் டிரான்ஸ்மிஷன் வகைகள் ரூ. 45,000 வரை பலன்களைப் பெறும் அதே நேரத்தில்,  ஆட்டோமேடிக் வகைகளுக்கு ரூ. 40,000 வரையிலான தள்ளுபடியை கொண்டுள்ளது. இக்னிஸ் 83 ஹெச்பி மற்றும் 113 என்எம் ஆற்றலை வெளிப்படுத்தும் 1.2 லிட்டர் பெட்ரோல் இன்ஜின் மூலம் இயக்கப்படுகிறது. இது 5-ஸ்பீடு மேனுவல் கியர்பாக்ஸ் அல்லது 5-ஸ்பீடு AMT தேர்வுடன் கிடைக்கிறது.

Maruti Suzuki Baleno discounts:

மாருதி சுசுகி  பலேனோ Nexa பிராண்டிற்கு ஒரு வலுவான செயல்திறனுடையது என்பதோடு,  பெட்ரோல் மற்றும் CNG பவர்டிரெய்ன்களுடன் கிடைக்கிறது. 2023 இல் தயாரிக்கப்பட்ட பெட்ரோல் மாடல்கள் ரொக்க தள்ளுபடி மற்றும் எக்ஸ்சேஞ்ச் போனஸ் உட்பட ரூ.35,000 வரையிலான நன்மைகளை பெற்றுள்ளது. அதே சமயம் சிஎன்ஜி வகைகளுக்கு எக்ஸ்சேஞ்ச் போனஸாக ரூ.15,000 வரை தள்ளுபடி கிடைக்கும். 2024 மாடல்கள் பெட்ரோல் மற்றும் சிஎன்ஜியில் முறையே ரூ.30,000 மற்றும் ரூ.35,000 வரை பலன்களைப் பெறுகின்றன. 

Maruti Suzuki Ciaz discounts:

2023 இல் தயாரிக்கப்பட்ட சியாஸ் மாடல்களுக்கு ரூ. 45,000 வரையிலான சலுகைகள் அறிவிக்கப்பட்டுள்ளன.  அதே சமயம் 2024 இல் தயாரிக்கப்பட்ட மாடல்கள் ரொக்கத் தள்ளுபடி மற்றும் பரிமாற்றச் சலுகைகள் வடிவில் ரூ. 25,000 வரை பலன்களைப் பெறுகின்றன.

Car loan Information:

Calculate Car Loan EMI