Sports

4 புதிய தமிழ் சூப்பர்ஹிட் திரைப்படங்கள், இப்போது, ​​டிஸ்னி+ ஹாட்ஸ்டாரில் !! – குமுதம் – செய்தி

4 புதிய தமிழ் சூப்பர்ஹிட் திரைப்படங்கள், இப்போது, ​​டிஸ்னி+ ஹாட்ஸ்டாரில் !!  – குமுதம் – செய்தி


இந்தியாவின் முன்னணி ஸ்ட்ரீமிங் தளமான டிஸ்னி+ ஹாட்ஸ்டார்ரசிகர்களுக்காகப் பிரத்தியேகமாக 1 டிக்கெட் 4 படம் எனும், புதிய அறிவிப்பு ஒன்றை வெளியிட்டுள்ளது. இதன் மூலம் ரசிகர்கள் தற்போது ஒரு டிக்கெட்டில் நான்கு புதிய சூப்பர்ஹிட் திரைப்படங்களைப் பார்த்து ரசிக்க முடியும்.

இந்த நான்கு படங்களின் தொகுப்பு, டிசம்பர் 30 அன்று 'பார்க்கிங்' திரைப்படம் மற்றும் ஜனவரி 15 இல் 'ஜோ' திரைப்படத்துடன் துவங்கியது. அதைத் தொடர்ந்து, ஜனவரி 27 முதல் 'ஃபைட் கிளப்' ஒளிபரப்பப்பட்டு வருகிறது. இந்த புதிய திட்டத்தின் இறுதிப் படமாக 'சபா நாயகன்' படத்தினை பிப்ரவரி 14 அன்று ஒளிபரப்ப உள்ளது.

முதல் படமாக இயக்குநர் ராம்குமார் பாலகிருஷ்ணன் இயக்கத்தில் உருவான பரபரப்பான த்ரில்லர் திரைப்படம் 'பார்க்கிங்', இது டிசம்பர் 30 முதல் ஸ்ட்ரீம் செய்யப்படுகிறது. படத்தில் முன்னணி நடிகர்கள் ஹரீஷ் கல்யாண், இந்துஜா மற்றும் எம்.எஸ்.பாஸ்கர் ஆகியோர் முதன்மை பாத்திரங்களில் நடித்துள்ளனர். இப்படம் ஈகோ அதிகமிருக்கும் இரண்டு மனிதர்களைச் சுற்றி, ஒரு கார் பார்க்கிங் இடத்திற்காக நிகழும் பிரச்சனையை எதார்த்தமான சம்பவங்களுடன் பரபரப்பாகச் சொல்கிறது.

அடுத்து இரண்டாவது படமாக , ரியோ ராஜ், மாளவிகா மனோஜ் மற்றும் பவ்யா த்ரிகா ஆகியோர் நடிப்பில், இயக்குநர் எஸ் ஹரிஹரன் ராமின் இயக்கத்தில் காதல் பொழுதுபோக்கு திரைப்படமான 'ஜோ', ஜனவரி 15 முதல் ஒளிபரப்பப்பட்டு வருகிறது.

ஜோ (ரியோ) எனும் இளைஞனின் வாழ்வும் அவனது காதலும், அவன் வாழ்வில் சந்திக்கும் பிரச்சனைகளையும் பற்றிய கதைதான் இந்தப்படம். இப்படம் ஜோவின் வாழ்வில் குறுக்கிடும் இரு பெண்கள் பற்றியது. முதல் பாதி கல்லூரியில் காதலிக்கும் பெண்ணைப் பற்றியதாக இருந்தாலும், அடுத்த பாதி வாழ்க்கையின் பிற்பகுதியில் அவன் திருமணம் செய்து கொள்ளும் பெண்ணைப் பற்றியதாக அமைந்தது.

மூன்றாவதாக, நடிகர்கள் விஜய் குமார் மற்றும் மோனிஷா மோகன் மேனன் நடிப்பில் இயக்குநர் அப்பாஸ் ஏ ரஹ்மத்தின் இயக்கத்தில் உருவாகியுள்ள அதிரடி ஆக்‌ஷன் எண்டர்டெய்னர் படம்'ஃபைட் கிளப்'. வாழ்க்கையில் முன்னேற நினைக்கும் இளைஞர்களின் நட்பு, நம்பிக்கை, துரோகம் மற்றும் அவர்களின் நிலத்தின் பிரச்சனைகள் மீது வெளிச்சம் பாய்ச்சும் தீவிரமான கதையை படம் பேசுகிறது.

நான்காவதாக, அசோக் செல்வன், மேகா ஆகாஷ், கார்த்திகா முரளிதரன் மற்றும் சாந்தினி சௌத்ரி ஆகியோர் நடிப்பில், இயக்குநர் சிஎஸ் கார்த்திகேயன் இயக்கத்தில் உருவான லைட் ஹார்ட் ரொமாண்டிக் என்டர்டெய்னர் திரைப்படம் “சபா நாயகன்”. ரசிகர்கள் முகத்தில் புன்னகையை வரவழைக்கும் ஒரு ஃபீல் குட் ரொமான்டிக் காமெடிப்படமாக இப்படம் உருவாகியுள்ளது.

இதையும் படிக்க | அருண்ராஜா காமராஜ் படத்தில் விஷ்ணு விஷால் !



Source link

W2L
About Author

W2L

Leave a Reply

Your email address will not be published. Required fields are marked *