கொழும்பு: ஆசிய கோப்பை கிரிக்கெட் தொடரின் சூப்பர் 4 சுற்றில் இந்தியாவுக்கு எதிரான ஆட்டத்தில் பாகிஸ்தான் அணியின் வேகப்பந்து வீச்சாளரான ஹரிஸ் ரவூஃப் 5 ஓவர்களை மட்டுமே வீசிய நிலையில் அதன் பின்னர் களமிறங்கவில்லை.
அவருக்கு முதுகுப்பகுதியின் பக்க வாட்டில் காயம் ஏற்பட்டிருப்பதும் அந்த பகுதியில் வீக்கம் இருப்பதும் கண்டறியப்பட்டுள்ளது. அதேவேளையில் 10 ஓவர்கள் வீசிய நசீம் ஷா பீல்டிங்கின் போது காயம் அடைந்தார். தோள்பட்டையை பிடித்துக்கொண்டு வெளியே சென்ற அவர், பேட்டிங்கின் போது களமிறங்கவில்லை.
