கொடைக்கானல்: மலைகளின் இளவரசியான கொடைக்கானல் வரும் சுற்றுலா பயணிகள் அனைவராலும் விரும்பக்கூடிய இடமாக திகழும் பிரையன்ட் பூங்காவுக்கு வயது 115. கொடைக்கானல் நட்சத்திர ஏரியை ஒட்டிய பகுதியில் 20 ஏக்கரில் பிரையன்ட் பூங்கா அமைந்துள்ளது. 1908-ம் ஆண்டு மதுரையைச் சேர்ந்த வன அதிகாரி ஹெச்.டி.பிரையன்ட், இந்த பூங்காவை அமைத்தார்.
அவரது பெயரால் அமைக்கப்பட்ட பூங்காவில் ஆண்டு முழுவதும் பல்வேறு காலநிலைகளில் பூக்கும் பூச்செடிகள், குளிர்பிரதேசங்களில் வளரக்கூடிய சால்வியா, பிங்க் அஸ்டர், டெல்பினியம், டேலியா, லில்லியம் மற்றும் அலங்காரச் செடிகள் என மொத்தம் 1,000-க்கும் மேற்பட்ட மலர் செடிகள் உள்ளன.
