தமிழ், தெலுங்கில் பிசியான நடிகராக இருக்கிறார் சமுத்திரக்கனி. தெலுங்கில் அவர் இயக்கிய ‘புரோ’ வரவேற்பைப் பெற்றதை அடுத்து அங்கு படம் இயக்கவும் வாய்ப்புகள் அதிகரித்திருக்கின்றன. சமீபத்தில் படப்பிடிப்பு ஒன்றில் கலந்துகொண்ட அவரிடம் பேசினோம்.
“இப்போ ‘ஆர் யூ ஓகே பேபி’ படத்தில் நடிச்சிருக்கேன். வரும் 22-ம் தேதி இந்தப்படம் வெளியாகும். சில படங்கள்ல நடிக்கும்போது மனசுக்கு நெருக்கமா உணர முடியும். அப்படியொரு படம் இது. லட்சுமி ராமகிருஷ்ணன் இயக்கி இருக்காங்க. அபிராமி எனக்கு ஜோடி. தொடர்ந்து சில படங்கள்ல நடிச்சிட்டு இருக்கேன். வித்தியாசமான வேடங்கள்ல நடிக்கிறது ரொம்ப பிடிச்சிருக்கு.
