10.25 இன்ச் ஃப்ளோட்டிங் டச்ஸ்கிரீன் இன்ஃபோடெயின்மென்ட் சிஸ்டம், டிஜிட்டல் மயமாக்கப்பட்ட இன்ஸ்ட்ரூமென்ட் கிளஸ்டர், வாய்ஸ் கமாண்டுடன் கூடிய சன்ரூஃப், முன்பக்க வென்டிலேட்டட் சீட்கள் ஆகிய வசதிகளை புதிய ஆல்ட்ராஸ் ரேஸர் எடிஷனில் நாம் எதிர்பார்க்கலாம். ஆல்ட்ராஸின் டாப் எண்டு வேரியன்டான i-டர்போ வேரியன்டிற்கு மேலே இந்த ஆல்ட்ராஸ் ரேஸர் எடிஷனை பிளேஸ் செய்யவிருக்கிறது டாடா. எனவே, பிற மாடல்களில் இல்லாத பாதுகாப்பு வசதிகளும் இந்த ரேஸர் மாடலில் கொடுக்கப்படலாம் எனத் தெரிகிறது.
ஹில் ஹோண்டு அசிஸ்ட், எலெக்ட்ரானிக் ஸ்டெபிலிட்டி கண்ட்ரோல், 360 டிகிரி கேமரா மற்றும் 6 ஏர்பேக்குகள் ஆகிய பாதுகாப்பு வசதிகள் இந்த டாடா ஆல்ட்ராஸ் ரேஸர் எடிஷனில் கொடுக்கப்பட்டிருக்கின்றன. இந்த ரேஸர் எடிஷனை R1, R2 மற்றும் R3 என மூன்று வேரியன்ட்களாக வெளியிடவிருக்கிறது டாடா மோட்டார்ஸ். இவற்றில் R3 வேரியன்டிலேயே ப்ரீமியம் வசதிகளான கனெக்டட் கார் டெக் மற்ரும் ஏர் ப்யூரிஃபையர் உள்ளிட்ட வசதிகள் கொடுக்கப்படவிருக்கின்றன.
இந்த ரேஸர் எடிஷனில் 118hp பவர் மற்றும் 170Nm டார்க்கை உற்பத்தி செய்யக்கூடிய 1.2 லிட்டர் டர்போ பெட்ரோல் இன்ஜினைக் கொடுக்கவிருக்கிறது டாடா. இது ஆல்ட்ராஸின் டாப் எண்டு வேரியன்டை விட 10hp அதிக பவர் மற்றும் 30Nm அதிக டார்க்காகும். இவ்வளவு வசதிகள் இருந்தாலும், மேனுவல் கியர்பாக்ஸ் வசதியுடன் மட்டுமே இந்த ஆல்ட்ராஸ் ரேஸர் எடிஷன் விற்பனை செய்யப்படும் என எதிர்பார்க்கப்படுகிறது. டாப் எண்டுக்கு மேலே இந்த ரேஸர் எடிஷனை டாடா பிளேஸ் செய்வதால், ரூ.9.99 லட்சம் தொடக்க விலையில் இது வெளியாகலாம் என எதிர்பார்க்கப்படுகிறது. இந்த ஆல்ட்ராஸ் ரேஸர் மாடலில் டாடா கொடுக்கவிருக்கும் வசதிகள் குறித்து முழுமையாகப் படிக்க இங்கே கிளிக் செய்யவும்.