டாடா பவரின் டிராம்பே ஆலைக்கு அதிக கலோரி கொண்ட நிலக்கரியை வழங்குவதற்காக ஆகஸ்ட் 2020 இல் கையெழுத்திட்ட ஒப்பந்தத்தில் இருந்து இந்த பிரச்சனை தொடங்கியது. ஒப்பந்தத்தின் மீறல்கள் குறித்து இரு தரப்பினரும் நோட்டீஸ் பரிமாறிக் கொண்டுள்ளனர்.

சிங்கப்பூரைத் தளமாகக் கொண்ட இந்தோனேசிய சுரங்க நிறுவனமான அடாரோ, டாடா பவர் ஒப்பந்தத்தை மீறியதாகக் குற்றம் சாட்டி, நடுவர் நீதி மன்றத்தில் 106 மில்லியன் டாலர் (தோராயமாக ரூ.879.8 கோடி) இழப்பீடு கோரியுள்ளது. இதற்கு பதிலளிக்கும் விதமாக, டாடா பவர் நிலக்கரி வழங்காததற்கு 229.94 மில்லியன் டாலர் (சுமார் ரூ.1,908 கோடி) மறு உரிமை கோரியுள்ளது.

மேலும் இந்த வழக்கில் நடுவர் செயல்முறை இன்னும் ஆரம்ப கட்டத்தில் இருப்பதாகவும் டாடா பவர் அப்டேட்டை வெளியீட்டுள்ளது. நடந்துகொண்டிருக்கும் தகராறு இருந்தபோதிலும், இரு தரப்பினரும் “சர்ச்சையை சுமுகமாக தீர்க்க தீவிர விவாதங்களில்” ஈடுபட்டுள்ளனர் என்பதை டாடா பவர் உறுதிப்படுத்தியது. மேலும் சர்வதேச வர்த்தக சம்மேளனத்தின் சர்வதேச நடுவர் மன்றத்தில் (ஐசிசி ஐசிஏ) இந்த சமரச பேச்சு வார்த்தை திட்டமிட்டபடி தொடரும்.

இதற்கு இணையாக, Tata Power இன் துணை நிறுவனமான Tata Power Renewable Energy , மகாராஷ்டிரா மாநில மின்சார விநியோக நிறுவன லிமிடெட் (MSEDCL) இலிருந்து 400 மெகாவாட் ஹைப்ரிட் திட்டத்தைப் பெற்றது, இது மகாராஷ்டிராவில் நிறுவனத்தின் மிகப்பெரிய புதுப்பிக்கத்தக்க எரிசக்தித் திட்டமாகும்.

கூடுதலாக, Tata Power Renewable Energy, இந்தியாவின் முக்கிய நகரங்களில் மின்சார வணிக வாகனங்களுக்காக 200 ஃபாஸ்ட் சார்ஜிங் நிலையங்களை நிறுவுவதற்கு டாடா மோட்டார்ஸுடன் புரிந்துணர்வு ஒப்பந்தத்தில் (MoUb) கையெழுத்திட்டுள்ளது. மேலும், டாடா பவர், தமிழ்நாட்டின் திருநெல்வேலியில் உள்ள அதன் 4.3 ஜிகாவாட் வசதியில் சோலார் செல்கள் உற்பத்தியைத் தொடங்கியுள்ளது , இது நாட்டிலேயே மிகப்பெரிய ஒற்றை-இருப்பிடம் சூரிய மின்கலம் மற்றும் தொகுதி உற்பத்தி ஆலையாகும்.

இக்கட்டுரை எழுதும் நேரத்தில் Tata Power Company Ltd ஒரு பங்கு விலை 1.11% உயர்வுடன் ரூ.444.50-க்கு வர்த்தகமாகி உள்ளது. பங்கு விலை 52 வாரங்களில் அதிகபட்சமாக ரூ.471 ஆகவும், குறைந்தபட்ச முறையே ரூ.230.80 ஆகவும் உள்ளது.

மறுப்பு: இக்கட்டுரை தகவல் நோக்கங்களுக்காக மட்டுமே. இதை அடிப்படையாக வைத்து முதலீட்டு முடிவுகளை எடுக்க வேண்டாம்.