உலகளாவிய தொழில்நுட்ப பிராண்ட் விநியோக நிறுவனமான ராஷி பெரிஃபெரல்ஸின் ஐபிஓ விலை ரூ.295 முதல் ரூ.311 வரை இருக்கும் என நிர்ணயித்துள்ளது. இந்த ஐபிஓவில் புதிய பங்குகளை வெளியிடுவதன் மூலம் 600 கோடி திரட்ட திட்டமிட்டுள்ளது.

இந்த ஐபிஓவில் முதலீடு செய்யும் முதலீட்டாளர்களுக்கு ஒரு லாட்டுக்கு 48 பங்குகள் ஒதுக்கீடு செய்யப்படும். மேலும் முதலீட்டாளர்களுக்கு பிப்ரவரி 12ம் தேதி பங்குகள் ஒதுக்கீடு செய்யப்படும் என்று தெரிவிக்கப்பட்டுள்ளது.

ராஷி பெரிஃபெரல்ஸ் நிறுவனத்தின் ஐபிஒ பங்குகள் பிப்ரவரி 14ம் தேதி பங்குச்சந்தையில் பட்டியலிடப்படும் என்றும், என் எஸ் இ மற்றும் பி எஸ் இ சந்தைகளில் பட்டியலிடப்படும் என்றும் தெரிவிக்கப்பட்டுள்ளது. இந்த ஐபிஓவில் அதிகாரப்பூர்வ பதிவாளராக Link Intime India நியமிக்கப்பட்டுள்ளது.
இந்த நிறுவனம் தொழில்நுட்ப சேவை வழங்கி வருவதால், இந்தியா போன்ற வளர்ந்து வரும் நாடுகளில் தேவை அதிகம் உள்ளது. எனவே இந்த ஐபிஓவில் முதலீட்டாளர்கள் முதலீடு செய்யலாம் என துறை சார்ந்த வல்லுநர்கள் கூறுகின்றனர்.