லைஃப் இன்சூரன்ஸ் கார்ப்பரேஷன் ஆஃப் இந்தியா எனப்படும் எல் ஐ சி பங்கு விலை 5% க்கும் அதிகமாக உயர்ந்துள்ளது. வெள்ளிக்கிழமை காலை வர்த்தகத்தில் 52 வாரங்களில் இல்லாத அளவுக்கு உயர்ந்துள்ளது.

கடந்த சில நாட்களாக எல்ஐசி பங்குகளின் விலை தொடர்ந்து அதிகரித்து வருகிறது. ஏற்கனவே எல்ஐசியின் சந்தை மூலதனம் வியாழக்கிழமை முதல் ரூ. 7 டிரில்லியன் என்ற நிலையை அடைந்துள்ளது. 2022ம் ஆண்டு 17ம் தேதி எல்ஐசி அதன் முதலீட்டாளர்களுக்கு 28% க்கும் அதிகமான வருவாயை ஈட்டியுள்ளது. பங்கு விலை அதன் வெளியீட்டு விலையான ரூ.949 ஐ விட இப்போது 20% அதிகமாக உள்ளது. எல்ஐசி பங்கின் விலை வெள்ளிக்கிழமை பிஎஸ்இயில் 52 அதிகபட்சமாக ரூ.1175 ஆக உயர்ந்தது.

2023-24ம் நிதியாண்டின் அக்டோபர்-டிசம்பர் காலாண்டில், லைஃப் இன்சூரன்ஸ் கார்ப்பரேஷன் ஆஃப் இந்தியா நிகர லாபம் கடந்த ஆண்டின் இதே காலக்கட்டத்தில் இருந்த ரூ.6,334.2 கோடியுடன் ஒப்பிடுகையில், 49% அதிகரித்து ரூ.9,444.4 கோடியாக அதிகரித்துள்ளது.

வருவாயில் வலுவான வளர்ச்சியானது முதலீடுகளின் நிகர வருமானத்தின் அதிகரிப்பு மற்றும் நிகர பிரீமியம் வருவாயின் வளர்ச்சி அடைந்துள்ளது. எல்ஐசியின் நிகர பிரீமியம் வருமானம் 4.6% அதிகரித்து ரூ.1,17,017 கோடியாக உள்ளது. 2023-24ம் நிதியாண்டின் 3வது காலாண்டில் ரூ.1,11, 787.6 கோடியாக இருந்தது. டிசம்பர் காலாண்டில் முதலீடுகள் மூலம் எல்ஐசியின் நிகர வருமானம் ஆண்டு அடிப்படையில் 12% அதிகரித்து ரூ. 95,266.8 கோடியாக உள்ளது.நடப்பு காலாண்டில் எல்ஐசியும் வலுவான வளர்ச்சியை கண்டுள்ளது. கோடக் நிறுவன பங்குகள் அறிக்கையின்படி, பிப்ரவரி மாதத்தில் எல்ஐசியின் வளர்ச்சி தொடர்ந்து இரண்டாவது மாதமாக வலுவாக இருந்தது.