பும்ராவுக்கு ஓய்வு:
இந்நிலையில், பிப்ரவரி 15ஆம் தேதி, ராஜ்கோட்டில் துவங்கும் இங்கிலாந்துக்கு எதிரான மூன்றாவது டெஸ்ட் போட்டியில், பும்ரா விலக உள்ளதாக தகவல் வெளியாகியுள்ளது. பும்ராவுக்கு காயம் எதுவும் இல்லை. ஓய்வுக்காக மட்டுமே நீக்கப்பட உள்ளார் என தகவல் வெளியாகியுள்ளது. அதேபோல், இரண்டாவது டெஸ்டில் படுமோசமாக சொதப்பிய முகேஷ் குமாருக்கு, அடுத்தடுத்து டெஸ்டில் வாய்ப்பு கொடுக்க முடியாத நிலை உள்ளது.
மாற்று யார்?
ஷமி விளையாடுவாரா?
இந்திய அணியின் நட்சத்திர வேகப்பந்து வீச்சாளர் முகமது ஷமிக்கு, காலில் காயம் ஏற்பட்டதால், அவர் சிகிச்சைக்காக இங்கிலாந்து சென்றுள்ளார். ஐபிஎலுக்கு முன் அவர் பிட்னஸை எட்ட வாய்ப்புகள் இருப்பதாக கூறப்படுகிறது. மேலும், ரவீந்திர ஜடேஜாவுக்கும் முதல் டெஸ்டின்போது காயம் ஏற்பட்டது. அவர் கடைசி டெஸ்டில் மட்டுமே விளையாட வாய்ப்புகள் இருப்பதாகக் கூறப்படுவதால், அவர் ஐபிஎலில் தான் கம்பேக் கொடுப்பார் எனத் தெரிகிறது.
விராட் கோலி நிலைமை என்ன?
இந்திய அணியின் முன்னாள் கேப்டன் விராட் கோலி, விரைவில் இரண்டாவது குழந்தைக்கு தந்தை ஆகப் போவதால், அவர் முதல் இரண்டு டெஸ்ட் போட்டிகளில் பங்கேற்கவில்லை. கடைசி மூன்று போட்டிகளுக்கான அணியை, இன்று மாலை அறிவிக்கப்பட்டுள்ளது. இருப்பினும், கோலி இன்னும் எந்த உறுதியான பதிலையும் அறிவிக்கவில்லை எனக் கூறப்படுகிறது. இதனால், கடைசி மூன்று போட்டிகளிலும் கோலி பங்கேற்க வாய்ப்பில்லை எனத் தகவல் வெளியாகியுள்ளது.
