ஹெச்.டி.எஃப்.சி வங்கி ஃபிக்ஸட் டெபாசிட் வட்டி விகிதங்களை திருத்தியுள்ளது. இந்தப் புதிய வட்டி விகிதங்கள் பிப்.3,2024ஆம் ஆண்டு முதல் அமலுக்கு வந்துள்ளன.
புதிய வட்டி விகிதங்கள்
ஹெச்டிஎஃப்சி வங்கியானது சாதாரண மக்களுக்கு 4.75% முதல் 7.40% வரையிலும், மூத்த குடிமக்களுக்கு 5.25% முதல் 7.90% வரையிலும் வட்டி விகிதங்களை வழங்குகிறது.
அதன்படி, 7.40% மற்றும் 7.90% என்ற அதிகபட்ச வட்டி விகிதங்கள் ஒரு வருடம் முதல் 15 மாதங்களுக்கும் குறைவான காலத்திற்குக் கிடைக்கும்.
ஹெச்டிஎஃப்சி ஃபிக்ஸட் டெபாசிட் சாதாரண குடிமக்கள் வட்டி விகிதம்
ஃபிக்ஸட் டெபாசிட் நாள்கள் | வட்டி விகிதம் % (ரூ.2 கோடிக்கும் மேல் ரூ.5 கோடிக்குள்) |
7-14 நாள்கள் | 4.75% |
15-29 நாள்கள் | 4.75% |
30-45 நாள்கள் | 5.50% |
46-60 நாள்கள் | 5.75% |
61-89 நாள்கள் | 6.00% |
90 நாள்கள்- 6 மாதத்துக்குள் | 5.75% |
6 மாதம் 1 நாள் முதல் 9 மாதத்துக்குள் | 6.65% |
9 மாதம் 1 நாள் முதல் 1 ஆண்டுக்குள் | 6.75% |
15 மாதம் முதல் 18 மாதம் | 7.05% |
18 மாதம் -21 மாதம் வரை | 7.05% |
21 மாதங்கள் முதல் 2 ஆண்டுகள் | 7.05% |
2 ஆண்டு 1 நாள் முதல் 3 ஆண்டுகள் | 7.00% |
3 ஆண்டு 1 நாள் முதல் 5 ஆண்டுகள் | 7.00% |
5 ஆண்டு 1 நாள் முதல் 10 ஆண்டுகள் | 7.00% |
மூத்தக் குடிமக்கள் வட்டி விகிதம்
மூத்த குடிமக்கள் 50 அடிப்படை புள்ளிகள் அல்லது 0.50% கூடுதல் வட்டி விகிதத்தை நிலையான வைப்புகளில் பெறுவார்கள். இந்த வட்டி விகிதங்கள் பிப்.3ஆம் தேதி முதல் அமலுக்கு வந்துள்ளன.
இந்தப் புதிய வட்டி விகிதத்தின்படி, 1 ஆண்டு முதல் 15 மாதங்கள் வரையிலான வட்டி விகிதங்களுக்கு மூத்தக் குடிமக்கள் 7.90 சதவீதம் வட்டி பெறுவார்கள்.
5 ஆண்டு 1 நாள் முதல் 10 ஆண்டுகள் வரையிலான ஃபிக்ஸட் டெபாசிட் முதலீடுக்கு 7.75 சதவீதம் வட்டி விகிதம் கிடைக்கும்.
ஃபிக்ஸட் டெபாசிட் வட்டி விகிதம்
ஹெச்டிஎஃப்சி வங்கி, 7 நாள்கள் முதல் 10 ஆண்டுகள் வரையிலான 2 கோடி ரூபாய்க்கும் குறைவான டெபாசிட்களுக்கு வழக்கமான குடிமக்களுக்கு 3% முதல் 7.20% வரை ஃபிக்ஸட் டெபாசிட் வட்டி விகிதங்களை வழங்குகிறது. இந்தப் புதிய வட்டி விகிதங்கள், அக். 1, 2023 முதல் அமலுக்கு வந்துள்ளன.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“