மாருதி ஃபிராங்க்ஸ் விற்பனை மைல்கற்கள்:
முன்னதாக கடந்தாண்டு செப்டம்பர் மாதம் 1 லட்சம் கார்கள் என்ற விற்பனை மைல்கல்லையும், ஜனவரி மாதம் 1.5 லட்சம் கார்கள் என்ற விற்பனை மைல்கல்லையும் எட்டியிருந்தது ஃபிராங்க்ஸ்.
வெறும் 10 மாதங்களில் 1 லட்சம் என்ற விற்பனை மைல்கல்லை எட்டியிருந்தது ஃபிராங்க்ஸ். எஸ்யூவிக்கள் பிரிவில் மிகவும் குறுகிய காலத்தில் 1 லட்சம் என்ற விற்பனையை எட்டியிருந்தது அந்த மாடல்.
வெளிநாடுகளுக்கும் ஏற்றுமதியாகும் மாடல்:
மாருதியின் ப்ரீமியம் ஹேட்ச்பேக்கான பெலினோவை அடிப்படையாகக் கொண்டு வெளியான ஃபிராங்க்ஸ் காம்பேக்ட் எஸ்யூவி மாடலானது, இந்தியாவில் விற்பனை செய்யப்படுவது மட்டுமின்றி, வெளிநாடுகளுக்கும் ஏற்றுமதி செய்யப்பட்டு வருகிறது.
முன்னதாக லத்தீன் அமெரிக்கா, மத்திய கிழக்கு மற்றும் தெற்காசிய நாடுகளுக்கு மட்டுமே ஃபிராங்க்ஸ் ஏற்றுமதி செய்யப்பட்டு வந்தது. சமீபத்தில் சுஸூகியின் தாய்நாடான ஜப்பானுக்கும் இந்த மாடலை ஏற்றுமதி செய்யத் தொடங்கியிருக்கிறது மாருதி.
சிறந்த விற்பனையைக் கொண்டிருக்கும் நெக்ஸா மாடல்கள்:
மாருதி நிறுவனமானது தங்களது ப்ரீமியமான கார் மாடல்களை நெக்ஸா டீலர்ஷிப்பின் மூலமாக விற்பனை செய்து வருகிறது. இந்த நெக்ஸா டீலர்ஷிப்பில் விற்பனை செய்யப்படும் ஏழு UV-க்களில், மூன்று மட்டுமே கடந்தாண்டை விட இந்தாண்டு சற்று கூடுதல் விற்பனையைக் கொண்டிருக்கின்றன.
அந்த வரிசையில் 78,337 யூனிட்டுகள் விற்பனையுடன் முதலிடத்தில் இருக்கிறது பிரெஸ்ஸா எஸ்யூவி. அதனைத் தொடர்ந்து 77,620 யூனிட்டுகள் விற்பனையுடன் எர்டிகா எம்பிவியும், மூன்றாவது இடத்தில் 59,967 யூனிட்டுகளுடன் ஃபிராங்க்ஸ் காம்பேக்ட் எஸ்யூவியும் உள்ளன.
மாருதி ஃபிராங்க்ஸ் சிறப்பம்சங்கள்:
மாருதியின் ப்ரீமியமான கார்களுள் ஒன்றான இந்த ஃபிராங்கிஸில் 9 இன்ச் ஃப்ரீ ஸ்டாண்டிங் டச்ஸ்கிரீன், மல்டி-லேயர்டு டேஷ்போர்டு, லெதர் ராப்டு ஸ்டீயரிங் வீல், 360 டிகிரி கேமரா, ஹெட்ஸ்-டிஸ்பிளே, வயர்லெஸ் சார்ஜர், கனெக்டட் கார் டெக் மற்றும் 6 ஏர்பேக்குகள் ஆகிய வசதிகளைக் கொடுத்திருக்கிறது மாருதி.
இந்த காரானது 90hp பவரை வெளிப்படுத்தக்கூடிய 1.2 லிட்டர் NA பெட்ரோல் மற்றும் 100hp பவரை உற்பத்தி செய்யக்கூடிய 1.0 லிட்டர் பூஸ்டர்ஜெட் டர்போ-பெட்ரோல் என இரண்டு இன்ஜின் தேர்வுகளைக் கொண்டிருக்கிறது.
பூஸ்டர்ஜெட் இன்ஜினானது 5 ஸ்பீடு மேனுவல் மற்றும் 6 ஸ்பீடு டார்க் கன்வர்ட்டர் ஆட்டோமேட்டிக் கியர்பாக்ஸ் தேர்வுகளையும், NA இன்ஜினானது 5 ஸ்பீடு மேனுவல் மற்றும் 5 ஸ்பீடு AMT கியர்பாக்ஸ் தேர்வுகளையும் கொண்டிருக்கிறது.
இந்த காம்பேக்ட் எஸ்யூவி மாடலானது, இந்தியாவில் ரூ.7.51 லட்சம் முதல் ரூ.12.87 லட்சம் வரையிலான எக்ஸ்-ஷோரூம் விலையில் விற்பனை செய்யப்பட்டு வருகிறது.
