இந்த நிலையில் ஓலா எலக்ட்ரிக் நிறுவனத்தின் பங்குச்சந்தை பட்டியலுக்கு பிறகு, வரும் 14ம் தேதி நிறுவனத்தின் காலாண்டு முடிவை வெளியிட உள்ளதாக தெரிவித்துள்ளது. பங்குச்சந்தை பட்டியலுக்கு பிறகு முதல் போர்ட் மீட்டிங் நடைபெற இருப்பதால் முதலீட்டாளர்களின் எதிர்பார்ப்பு அதிகமாக உள்ளது.
2024-25ம் நிதியாண்டின் ஏப்ரல் முதல் ஜூன் மாதம் வரையான காலாண்டு முடிவுகளை ஓலா எலக்ட்ரிக் நிறுவனம் ஆகஸ்ட் 14ம் தேதி வெளியிட திட்டமிட்டுள்ளது. இது குறித்த தகவல் பங்குச்சந்தை கட்டுப்பாட்டு அமைப்பான செபிக்கு தெரிவிக்கப்பட்டுள்ளது.
ஆகஸ்ட் 6ம் தேதியுடன் நிறைவடைந்த ஐபிஓ வெளியிட்டில் ரூ. 6,146 கோடி முதலீட்டை பெற்றன. அதாவது இந்த ஐபிஓவில் 4.26 முறை மட்டுமே முன்பதிவு செய்யப்பட்டது. ஓலா ஐபிஓவில் நோமுரா, ஹெச்டிஎஃப்சி மியூச்சுவல் ஃபண்ட் மற்றும் எஸ்பிஐ மியூச்சுவல் ஃபண்ட் ஆகியவை ஆங்கர் முதலீட்டாளர்கள் ஆவார்கள்.
ஓலா எலக்ட்ரிக் நிறுவனம் தொடர்ந்து நஷ்டம் அடைந்து வருவதாகவும், எலக்ட்ரிக் வாகன தயாரிப்பு துறையில் கடும் போட்டி நிலவுவதாலும், இந்த பங்கில் அதிக ரிஸ்க் இருப்பதாக நிபுணர்கள் தெரிவித்துள்ளனர். எனவே முதலீட்டாளர்கள் அடுத்த 2-3 வருடத்துக்கு வைத்திருக்கும் போது, லாபம் கிடைக்க வாய்ப்புள்ளது. ஆனால் அதில் அதிக ரிஸ்க் உள்ளதாகவும் நிபுணர்கள் கூறுகின்றனர்.
வெள்ளிக்கிழமையன்று ஓலா எலக்ட்ரிக் நிறுவனத்தின் பங்கு விலை ரூ.91.18 என்ற நிலையில் முடிவடைந்தது. அதாவது முதல் நாளே பங்கின் விலை 20 சதவிகிதம் உயர்ந்து அப்பர் சர்க்யூட் நிலையை அடைந்தது. -ல் முடிந்தது, பிஎஸ்இயில் 20% அப்பர் சர்க்யூட்டில் பூட்டப்பட்டது.
Mutual fund-ல் என்னென்ன ஆபத்துகள் உள்ளது?
