Business

hyundai motor ipo:விரைவில் சந்தைக்கு வரும் ஹூண்டாய் மோட்டார் ஐபிஓ…. முதலீட்டுக்கு பணத்தை ரெடி பண்ணுங்க….

hyundai motor ipo:விரைவில் சந்தைக்கு வரும் ஹூண்டாய் மோட்டார் ஐபிஓ…. முதலீட்டுக்கு பணத்தை ரெடி பண்ணுங்க….
hyundai motor ipo:விரைவில் சந்தைக்கு வரும் ஹூண்டாய் மோட்டார் ஐபிஓ…. முதலீட்டுக்கு பணத்தை ரெடி பண்ணுங்க….


நாட்டின் மிகப்பெரிய வாகன தயாரிப்பு நிறுவனங்களில் ஒன்றான ஹூண்டாய் மோட்டார் இந்தியா நிறுவனம் விரைவில் ஐபிஓ வெளியிட உள்ளது. ஐபிஓ வெளியிடுவதற்கான காத்திருப்பு காலம் முடிந்துவிட்டதாக கூறப்படுகிறது. நிறுவனம் தனது வரைவு ரெட் ஹெர்ரிங் ப்ரோஸ்பெக்டஸை (டிஆர்ஹெச்பி) செபியிடம் தாக்கல் செய்ய உள்ளது.

ஹூண்டாய் மோட்டார் நிறுவனத்தின் ஐபிஓ இந்திய பங்குச்சந்தைகளுக்கு வரும் போது பெரும் தாக்கத்தை ஏற்படுத்தும் என கூறப்படுகிறது. ஏனெனில் 2003ம் ஆண்டு மாருதி சுஸுகி இந்தியா நிறுவனம் இந்திய பங்குச்சந்தையில் பட்டியலிடப்பட்டது. மாருதி நிறுவனம்தான் பங்குச்சந்தையில் பட்டியலிடப்பட்ட முதல் வாகன உற்பத்தி நிறுவனம் ஆகும். அதன் பிறகு இந்தியாவின் மிகப்பெரிய ஐபிஓவாக ஹூண்டாய் மோட்டார் நிறுவனத்தின் ஐபிஓ இருக்கும் என எதிர்பார்க்கப்படுகிறது.

அமெரிக்கா மற்றும் தென் கொரியாவிற்கு அடுத்தபடியாக ஹூண்டாய் மூன்றாவது பெரிய வருவாய் ஈட்டும் நாடாக இந்தியா உள்ளது. மேலும் இந்தியாவில் வளர்ந்து வரும் பங்குச்சந்தையை பயன்படுத்திக் கொள்வதற்காக இந்த நிறுவனம் ஐபிஓ வெளியிட உள்ளது.

ஹூண்டாய் நிறுவனத்தின் நிர்வாகத் தலைவர் Euisun Chung மற்றும் தலைமை நிர்வாக அதிகாரி சாங் ஜே-ஹூன் ஆகியோர் ஏப்ரல் மாதத்தில் இந்தியா வந்தனர். இவர்கள் இருவரும் ஐபிஓ வெளியீடு தொடர்பான கூட்டங்களை நடத்தினர். ஹூண்டாய் நிறுவனம் 1997ம் ஆண்டு முதல் இந்தியாவில் இயங்கி வருகிறது. இந்த நிறுவனம் தமிழ்நாட்டில் உற்பத்தி ஆலையை வைத்துள்ளது. மேலும் மகாராஷ்டிராவின் தலேகானில் ஆலை அமைக்க திட்டமிட்டுள்ளது.

DRHP தாக்கல் செய்யப்பட்டவுடன், செபி இறுதி ஒப்புதலை வழங்க இரண்டு மாதங்கள் எடுக்கும் என்று எதிர்பார்க்கப்படுகிறது. அதன் பிறகு நிறுவனம் இந்திய பங்குச் சந்தையில் ஐபிஓ வெளியிடப்படும்.

ஹூண்டாய் மோட்டார் நிறுவனத்தின் ஐபிஓவை வெளியிடுவதற்கு கோடக் மஹிந்திரா, சிட்டி பேங்க், மோர்கன் ஸ்டான்லி, ஜேபி மோர்கன் மற்றும் எச்எஸ்பிசி போன்ற முதலீட்டு வங்கிகளில் இணைந்துள்ளது.

ஆய்வாளர்களின் கருத்துப்படி ஹூண்டாய் நிறுவனம் இந்திய ஐபிஓவிற்கு $22-$28 பில்லியன் மதிப்பீட்டை இலக்காகக் வைத்துள்ளது. இதன் தாய் நிறுவனத்தின் பங்குகளில் 15-20 சதவீதத்தை விற்பனைக்கான வாய்ப்பாக உள்ளதாக கூறப்படுகிறது.

தொழில் தொடங்குபவர்களுக்கு அரசு தரும் கடன்..

எகனாமிக் டைம்ஸ் தமிழ் இணையதளத்தில் Share Market சமீபத்திய Business News மற்றும் பிரேக்கிங் செய்திகளைப் படிக்கவும்



Source link

W2L
About Author

W2L

Leave a Reply

Your email address will not be published. Required fields are marked *