Business

வென்டிலேட்டட் சீட்கள் மற்றும் ஆட்டோ டிம்மிங் IRVM வசதிகளைப் பெறும் மஹிந்திரா ஸ்கார்பியோ N

வென்டிலேட்டட் சீட்கள் மற்றும் ஆட்டோ டிம்மிங் IRVM வசதிகளைப் பெறும் மஹிந்திரா ஸ்கார்பியோ N
வென்டிலேட்டட் சீட்கள் மற்றும் ஆட்டோ டிம்மிங் IRVM வசதிகளைப் பெறும் மஹிந்திரா ஸ்கார்பியோ N


ஆட்டோ டிம்மிங் IRVM வசதி:

இந்த ஆட்டோ டிம்மிங் IRVM (Inside Rear View Mirror) வசதியானது முன்பு இந்த ஸ்கார்பியோ N மாடலில் கொடுக்கப்படாத ஒன்று. ஆனால், ஸ்காரிபியோ N மாடலுக்குப் போட்டியாகக் கருதப்படும் மாடல்களில் இந்த வசதி வழங்கப்பட்டு வருகிறது.

மேலும், ஸ்கார்பியோ N மாடலை விட குறைந்த விலையில் அறிமுகம் செய்யப்பட்ட மஹிந்திராவின் XUV 3XO மாடலில் கூட இந்த வசதி கொடுக்கப்பட்டிருக்கிறது. எனவே, ஸ்கார்பியோ N மாடலிலும் இந்த வசதியைக் கொடுக்கவிருக்கிறது மஹிந்திரா.

ஃபிரேம் இல்லாத ஆட்டோ டிம்மிங் IRVM வசதியானது ஸ்கார்பியோ N மாடலின் டாப் எண்டு வேரியன்டான Z8L வேரியன்டில் கொடுக்கப்படவிருக்கிறது. இதுவே XUV 3XO-வின் டாப் எண்டு வேரியன்ட்களிலும் கொடுக்கப்பட்டிருந்தது.

அதேபோல், கொஞ்சம் பெரிய கருப்பு நிற ஃபிரேம் கொண்ட ஆட்டோ டிம்மிங் IRVM ஆனது XUV 3XO-வின் மிட் வேரியன்ட்களில் கொடுக்கப்பட்டிருந்தது. அதே வசதி ஸ்கார்பியோ N-ன் Z6 மற்றும் Z8 வேரியன்ட்களில் கொடுக்கப்படும் எனத் தெரிகிறது.

வென்டிலேட்டட் சீட்கள்:

மேற்கூறிய ஆட்டோ டிம்மிங் IRVM வசதியைத் தவிர்த்து, வென்டிலேட்டட் சீட்கள் வசதியையும் ஸகார்பியோ N மாடலில் கொடுக்கவிருக்கிறது மஹிந்திரா. முன்பக்க சீட்கள் மட்டுமல்லாது பின்பக்க சீட்களுக்கும் சேர்த்த வென்டிலேட்டட் சீட்கள் வசதியைக் கொடுக்கத் திட்டமிட்டிருக்கிறது அந்நிறுவனம்.

முன்பக்கத்துடன் சேர்த்து பின்பக்கமும் வென்டிலேட்டட் சீட்களை வழங்கப்படும் ஒரே மாடல் டாடா சஃபாரி தான். அதனைத் தொடர்ந்து தற்போது மஹிந்திராவும் அந்த வசதியை தங்களுடைய காரில் கொடுத்திருக்கிறது.

மேற்கூறிய இந்த வசதிகளானது இந்த ஸ்கார்பியோ N மட்டுமல்லாது நன்கு விற்பனையாகும் மற்றொரு மஹிந்திரா மாடலான XUV 700 மாடலிலும் கொடுக்கப்படலாம் என எதிர்பார்க்கப்படுகிறது.

வேறு என்ன புதிய வசதிகள்:

இதனைத் தவிர கூலிங் வசதியுடன் கூடிய வயர்லெஸ் சார்ஜ்ர் ஒன்றும் கொடுக்கப்படவிருக்கிறது. இவற்றைத் தவிர்த்து ஸ்கார்பியோ N மாடலில் கொடுக்கப்பட்டு வரும் வசதிகள் வேறெந்த மாற்றமும் இல்லை. முன்பு கொடுக்கப்பட்டு வந்த சிங்கிள் பேன் சன்ரூஃப் அப்படியே தொடர்கிறது. இரண்டாம் வரிசையில் கேப்டன் சீட்கள் இல்லை, முன்பு கொடுக்கப்பட்டது போலான மூன்று பேர் அமரக்கூடிய சீட்கள் தான்.

ஆனால், மேற்கூறிய வசதிகளுடன் அறிமுகமாகும் புதிய ஸ்கார்பியோ N மாடலின் விலையும் சற்று உயரும் என்றே தெரிகிறது.

மஹிந்திரா ஸ்கார்பியோ N இன்ஜின்:

ஸ்கார்பியோ N-ன் இன்ஜின் மற்றும் கியர்பாக்ஸில் எந்தவொரு மாற்றமும் இல்லை. 200hp பவர் மற்றும் 370Nm டார்க்கை உற்பத்தி செய்யக்கூடிய 2.0 லிட்டர் டர்போ பெட்ரோல் இன்ஜின், 172hp பவர் மற்றும் 400Nm டார்க்கை உற்பத்தி செய்யக்கூடிய 2.2 லிட்டர் டர்போ டீசல் இன்ஜின் ஆகிய இரண்டு இன்ஜின் தேர்வுகளுடனே வெளியாகவிருக்கிறது புதிய வசதிகளைக் கொண்ட ஸ்கார்பியோ N.

இந்த இன்ஜின் தேர்வுகளுடன், 6 ஸ்பீடு மேனுவல் மற்றும் 6 ஸ்பீடு டார்க் கன்வர்ட்டர் ஆட்டோமேட்டிக் ஆகிய இரண்டு கியர்பாக்ஸ்களில் ஒன்றையும் தேர்ந்தெடுத்துக் கொள்ளலாம்.



Source link

W2L
About Author

W2L

Leave a Reply

Your email address will not be published. Required fields are marked *