தமிழகம்

ராமநாதபுரம்: அதிகாரிகள் அலட்சியம்… ஆட்சியர் முன் மண்ணெண்ணெய் ஊற்றிய திருநங்கை! – உற்சாகம்


ராமநாதபுரம் கலெக்டர் அலுவலகத்தில் திருநங்கை ஒருவர் கலெக்டர் முன் மண்ணெண்ணெய் ஊற்றி தற்கொலைக்கு முயன்ற சம்பவம் அதிர்ச்சியையும் பரபரப்பையும் ஏற்படுத்தியது.

கலெக்டர் கார் அருகே போராட்டம்

ராமநாதபுரம் மாவட்டம் ஏர்வாடியில் திருநங்கை சிவன்யா தனது தோழிகளுடன் வசித்து வருகிறார். இவர் உள்ளிட்டோர் இலவச வீடு ஒதுக்கக்கோரி தாலுகா அலுவலகம், கலெக்டர் அலுவலகத்தில் நீண்ட நாட்களாக மனு அளித்து வருகின்றனர்.

இதன் அடிப்படையில் இவர்களுக்கு ராமநாதபுரம் புறநகர் பகுதியில் இலவச வீடு கட்டித்தர மாவட்ட நிர்வாகம் முடிவு செய்துள்ளதாக கூறப்படுகிறது.

ஆனால், அது தொடர்பான பணிகள் எதுவும் தொடங்காமல் காலதாமதம் ஆனதை நினைவூட்டும் வகையில் மீண்டும் ஆட்சியரிடம் மனு கொடுக்க சிவன்யா தலைமையில் திருநங்கைகள் வந்தனர்.

கலெக்டர் பிரச்னை கேட்கிறார்

மனு வாங்கும் இடத்தில் அமர்ந்திருந்த அதிகாரிகள், கலெக்டரிடம் மனு கொடுக்காமல் தாங்களாகவே தூக்கி எறிந்ததாக புகார் தெரிவித்த திருநங்கைகள், கலெக்டர் கார் நிறுத்துமிடத்தில் அமர்ந்து போராட்டம் நடத்தினர்.

இதனால், அங்கு பரபரப்பு ஏற்பட்டது. கலெக்டர் சங்கர்லால் குமாவத் மதிய உணவுக்காக போர்டிகோவுக்கு சென்றபோது அவர் கார் முன் அமர்ந்து திருநங்கைகள் போராட்டத்தில் ஈடுபட்டனர். அப்போது திருநங்கை சிவன்யா தனது உடலில் மண்ணெண்ணெய் ஊற்றி தற்கொலைக்கு முயன்றார். அப்போது அங்கிருந்தவர்கள் அவரை தடுத்து நிறுத்தினர்.

திருநங்கைகள்

அப்போது அதிர்ச்சியடைந்த அங்குள்ள ஆட்சியர், அவர்களின் பிரச்சனைகளை கேட்டறிந்து, இலவச வீடு விரைவில் கட்டித் தரப்படும் என்று உறுதியளித்தார். அதனால் போராட்டம் முடிவுக்கு வந்தது. இந்த சம்பவத்தால் கலெக்டர் அலுவலக வளாகத்தில் பரபரப்பு ஏற்பட்டது.

.



Source link

About Author

W2L

Leave a Reply

Your email address will not be published. Required fields are marked *