Business

மெர்சிடீஸ் பென்ஸ் நிறுவனத்திற்கு எதிராக அதிரடியாக தீர்ப்பளித்த உச்சநீதிமன்றிம்.. நுகர்வோர் பாதுகாப்பு தான் முக்கியம்!

மெர்சிடீஸ் பென்ஸ் நிறுவனத்திற்கு எதிராக அதிரடியாக தீர்ப்பளித்த உச்சநீதிமன்றிம்.. நுகர்வோர் பாதுகாப்பு தான் முக்கியம்!
மெர்சிடீஸ் பென்ஸ் நிறுவனத்திற்கு எதிராக அதிரடியாக தீர்ப்பளித்த உச்சநீதிமன்றிம்.. நுகர்வோர் பாதுகாப்பு தான் முக்கியம்!


வாடிக்கையாளர் நலனே முக்கியம், அதற்கு சொகுசு கார் நிறுவனங்களும் விதிவிலக்கல்ல என்பதை நிரூபிக்கும் வகையில் சொகுசு கார் நிறுவனமான மெர்சிடீஸ் பென்ஸுக்கு எதிராக தீர்ப்பு வழங்கியிருக்கிறது உச்ச நீதிமன்றம்.

சமயம் தமிழ்

மெர்சிடீஸ் பென்ஸ் சொகுசு காரை வாங்கி இரு வேறு தனி நபர்கள், தங்கள் கார்களில் ஏற்பட்ட கோளாறு குறித்து தேசிய நுகர்வோர் குறைதீர்ப்பு ஆணையத்தில் முறையிட்டிருக்கிறார்கள். அதில் ஒரு வழக்கில், மெர்சிடீஸ் பென்ஸ் காரில் உள்ள சென்ட்ரல் ஹம்பில் ஏற்பட்ட கோளாறு காரணமாக அது அதிகம் சூடாகியிருக்கிறது. இந்த வெப்பம் காரினுள்ளும் கடத்தப்பட்டு வாடிக்கையாளர்களுக்கு அசௌகரியத்தை ஏற்படுத்தியிருக்கிறது.

இது குறித்து பலமுறை மெர்சிடீஸ் பென்ஸ் நிறுவனத்திடம் புகாரளித்தும், பலமுறை அந்நிறுவனம் முயன்றும் எந்தவொரு முன்னேற்றமும் இல்லை. எனவே, தேசிய தீர்ப்பாயத்தில் முறையிடப்பட்டிருக்கிறது. இதனை விசாரித்த தேசிய நுகர்வோர் குறை தீர்ப்பு ஆணையம், சம்பந்தப்பட்ட வாடிக்கையாளருக்கு காரை வாங்கிய தொகையான ரூ.56 லட்சத்தை செலுத்தி காரை திரும்பப் பெற்றுக் கொள்ள வேண்டும் என தீர்ப்பளித்திருக்கிறது.

இந்த வழக்கானது உச்சநீதிமன்றத்தில் மேல்முறையீட்டிற்கு வந்திருக்கிறது. அப்போது அந்த கார் வாங்கப்பட்டது 2006ம் ஆண்டில். அந்தக் காரானது 17 ஆண்டுகளாக பயன்பாட்டில் இருந்திருப்பதாக சொல்லப்பட்டிருக்கிறது. இதனைத் தொடர்ந்து, பிரச்சினை ஏற்பட்டது உண்மை தான் எனவே பாதிக்கப்பட்டவர்களுக்கு ரூ.36 லட்சம் நஷ்ட ஈடாகக் கொடுக்க வேண்டும் எனவும், பாதிகப்பட்டவர் காரை அவரே வைத்துக் கொள்ளலாம் எனவும் உச்ச நீதிமன்றம் தீர்ப்பளித்திருக்கிறது.

அதேபோல மற்றொரு வழக்கில் மெர்சிடீஸ் பென்ஸ் காரில் உரிய நேரத்தில் ஏர்பேக்குகள் வேலை செய்யவில்லை என வாடிக்கையாளர் ஒருவர் தேசிய நுகர்வோர் குறை தீர்ப்பு ஆணையத்தில் புகாரளித்திருக்கிறார். அந்தப் புகாரை பரிசீலித்த ஆணையம், மெர்சிடீஸ் பென்ஸ் நிறுவனமானது எந்தெந்த நேரங்களில் எல்லாம் ஏர்பேக்குகள் வேலை செய்யும் என்பது குறித்த போதிய தகவல்களை வாடிக்கையாளருக்கு அளிக்கவில்லை.

அதன் சேவையில் போதிய வெளிப்படைத்தன்மை இல்லாத காரணத்தினால் வாடிக்கையாளர் பாதிக்கப்பட்டிருக்கிறார் எனக் கூறி வாடிக்கையாளருக்கு நஷ்ட ஈடு கொடுக்கவும் உத்தரவிட்டிருக்கிறது. இந்த வழக்கானது உச்சநீதிமன்றத்தில் மேல்முறையீடு செய்யப்படவே, உச்சநீதிமன்றம் வழக்கை விசாரித்து வாடிக்கையாளருக்கு ஆதரவான தேசிய குறைதீர்ப்பு ஆணையத்தில் உத்தரவை உறுதி செய்து உத்தரவிட்டிருக்கிறது.

இந்த இரண்டு வழக்குகளின் மூலம் பெருநிறுவனங்களும் வாடிக்கையாளர்களுக்கு குறையான சேவையை வழங்கி விட்டு தப்ப முடியாது என்பதையே காட்டுகிறது. இதன் மூலம், பதிவு செய்யப்படும் அத்தனை வழக்குகளிலும் வாடிக்கையாளர்களுக்கு சாதகமான தீர்ப்பு வரும் என்று சொல்ல முடியாது. ஆனால், நுகர்வோர் தங்களுடைய உரிமைகளைப் போராடி பெற முடியும் என்பதையே காட்டுகிறது.



Source link

W2L
About Author

W2L

Leave a Reply

Your email address will not be published. Required fields are marked *