தேசியம்

ஜவுளி மீதான ஜிஎஸ்டி உயர்வு ஒத்திவைக்கப்படுவதாக நிதியமைச்சர் தெரிவித்துள்ளார்


புது டெல்லி: ஜிஎஸ்டி கவுன்சில் கூட்டத்திற்கு பிறகு செய்தியாளர்களிடம் பேசிய நிதியமைச்சர், ஜவுளி மீதான சரக்கு மற்றும் சேவை வரியை 5 சதவீதத்தில் இருந்து 12 சதவீதமாக உயர்த்தும் முடிவை தற்காலிகமாக நிறுத்தி வைக்குமாறு நிதியமைச்சர் நிர்மலா சீதாராமன் அறிவித்தார்.

கடந்த செப்டம்பர் 17 ஆம் தேதி நடைபெற்ற கூட்டத்தில், ஜவுளி மற்றும் குறைந்த விலை காலணிகளுக்கான வரி விகிதங்கள் 5 சதவீதத்தில் இருந்து 12 சதவீதமாக திருத்த ஜிஎஸ்டி கவுன்சில் முடிவு செய்யப்பட்டது. காலணி மற்றும் ஜவுளித் துறைகளின் (டெக்ஸ்டைல் ​​துறை) கட்டமைப்பை சரிசெய்யும் நோக்கில் இந்த முடிவு எடுக்கப்பட்டது எனக் கூறப்பட்டது. மேலும் இந்த புதிய வரி கட்டணங்கள் ஜனவரி 1, 2022 முதல் அமலுக்கு வரவிருந்தன என்பது குறிப்பிடத்தக்கது.

காலணிகள் மீதான ஜிஎஸ்டி வரி குறித்து இன்று விவாதிக்கப்படவில்லை. ஜவுளிகள் மீதான வரிக் குறித்து மட்டுமே விவாதிக்கப்பட்டது. எனவே 5% இலிருந்து 12% வரி உயவுக்கு செல்லாமல், தற்போதைய நிலையைத் தொடரும் என்றும், ஜவுளிகள் மீதான ஜிஎஸ்டி வரி மாற்றியமைக்கப் படவில்லை என்றும் நிதியமைச்சர் நிர்மலா சீதாராமன் (நிதி அமைச்சர் நிர்மலா சீதாராமன்) செய்தியாளர் கூட்டத்தில் தெரிவித்தார்.

இருப்பினும், ரூ. 1000க்கு அதிகமான காலணிகள் மீதான ஜிஎஸ்டி வரி உயர்வு நிறுத்திவைப்பு தொடர்பாக எந்த முடிவும் எடுக்கப்படவில்லை. எனவே நாளை (சனிக்கிழமை) முதல், 1,000 ரூபாய் வரையிலான காலணிகளுக்கான வரி விகிதம் 5% முதல் 12% ஆக உயரும் எனவும் மத்திய நிதியமைச்சர் தெரிவித்தார்.

மேலும் படிக்கவும் | ஜனவரி 1 முதல் ஆன்லைனில் உணவு டெலிவரி சேவைக்கு 5% GST

ஜிஎஸ்டி (சரக்கு மற்றும் சேவை வரி விகிதம்) வரி காரணமாக ஜவுளி விலை உயர்வு குறித்து ஆய்வு செய்ய மாநில நிதியமைச்சர்கள் குழுவிடம் கேட்டுக் கொள்ளப்பட்டுள்ளது, பிப்ரவரி மாதத்திற்குள் குழு தனது அறிக்கையை சமர்ப்பிக்குமாறு அவர் கூறினார்.

கடந்த வாரம், மேற்கு வங்க முதல்வர் மம்தா பானர்ஜியின் முதன்மை தலைமை ஆலோசகர் அமித் மித்ரா, ஜவுளித் துறையில் வரி விகிதங்களை உயர்த்தும் மத்திய அரசின் முடிவை “மிகவும் ஆபத்தானது” என்று விவரித்தார். இந்த நடவடிக்கையால் சுமார் ஒரு லட்சம் டெக்ஸ்டைல் ​​யூனிட்கள் மூடப்படும் என்றும், ஜவுளி மற்றும் அதன் துணைத் துறைகளில் 15 லட்சம் பேர் வேலை இழக்க நேரிடும் என்றும் அவர் எச்சரித்திருந்தார்.

மேலும் படிக்கவும் | அதிர்ச்சி! ஜிஎஸ்டி வரி உயர்வு ஜனவரி 1 முதல் உங்கள் பாக்கெட்டை எவ்வாறு பாதிக்கும்!

குஜராத், டெல்லி, ராஜஸ்தான் மற்றும் தமிழ்நாடு ஆகிய மாநிலங்களும் இதற்கு எதிர்ப்பு தெரிவித்தன. ஜவுளி மீதான சரக்கு மற்றும் சேவை வரியை உயர்த்தினால், இந்த விலை உயர்வால் குறு, சிறு மற்றும் நடுத்தர தொழில் நிறுவனங்களை பெரிதும் பாதிக்கும் என்று தமிழக அரசு சார்பில் தெரிவிக்கப்பட்டது.

அதேபோல இன்றைய ஜிஎஸ்டி கவுன்சில் (ஜிஎஸ்டி கவுன்சில்) கூட்டத்தில், 3,000 அல்லது 5,000 ரூபாய்க்கு மேல் விற்பனையாகும் ஆயத்த ஆடைகளுக்கு 12% அதிக வரி விதிக்கலாம் என்றும், அதற்குக் குறைவான ஜவுளிகளுக்கு தற்போது 5% வரி விதிக்கப்படும் என்றும் தமிழ்நாட்டின் நிதியமைச்சர் பழனிவேல் தியாகராஜன் தெரிவித்துள்ளார். குறிப்பாக வைரஸ் தொற்றுநோயிலிருந்து “இயல்புநிலைக்குத் திரும்பும்” நேரத்தில் வரி உயர்வு ஜவுளி தொழில்துறையை பாதிக்கும் என்று அவர் சுட்டிக்காட்டினார்.

மேலும் படிக்கவும் | ஆட்டோ கட்டணத்தில் ஜிஎஸ்டி: ஜனவரி 1ம் தேதி Ola-Uber கட்டணங்கள் உயருகின்றன..!!

உடனுக்குடன் செய்திகளை தெரிந்து கொள்ளவும், உங்கள் கருத்துக்களை பகிர்ந்து கொள்ளவும் சமூக வலைத்தளங்களில் எங்களை பின்தொடரவும்.

முகநூலில் @ZeeHindustan Tamil மற்றும் டிவிட்டரில் @ZHindustanTamil என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூகம், வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியைப் பதிவிறக்குங்கள்!!

Android இணைப்பு – https://bit.ly/3hDyh4G
ஆப்பிள் இணைப்பு – https://apple.co/3loQYeR

.



Source link

About Author

W2L

Leave a Reply

Your email address will not be published. Required fields are marked *