இஸ்லாமாபாத்: இம்ரான் கான் அரசுக்கு எதிரான சதியின் பின்னணியில் இந்தியாவும், இஸ்ரேலும் இருப்பதாக பாகிஸ்தான் அமைச்சர் பவ்தா சவுத்ரி கூறியுள்ளார்.
எதிர்க்கட்சிகள் நம்பிக்கையில்லா தீர்மானத்தை வாபஸ் பெற்றால், நாடாளுமன்றத்தை கலைக்க தயார் என பாகிஸ்தான் பிரதமர் இம்ரான் கான் கூறியதாக தகவல்கள் தெரிவிக்கின்றன.
இம்ரான் கான் அரசுக்கு எதிராக பாகிஸ்தான் நம்பிக்கையில்லா தீர்மானம் கொண்டு வந்துள்ளது. கூட்டணி கட்சிகள் ஆதரவை வாபஸ் பெற்றதால் இம்ரான் கான் பெரும்பான்மையை இழந்துள்ளார். இதற்கிடையில், இம்ரான் கான் அரசுக்கும், எதிர்க்கட்சிகளுக்கும் இடையே மறைமுக பேச்சு வார்த்தை நடந்து வருகிறது.
இது தொடர்பாக அங்கிருந்து வரும் தகவல்கள்: இருதரப்புக்கும் இடையே நடந்து வரும் பேச்சுவார்த்தையில் ஒரு விஷயம் முக்கியமாக விவாதிக்கப்படுகிறது. அதாவது எதிர்க்கட்சிகள் நம்பிக்கையில்லா தீர்மானத்தை வாபஸ் பெற வேண்டும். இதன் எதிரொலியாக நாடாளுமன்றம் கலைக்கப்பட்டு விரைவில் தேர்தல் நடத்தப்படும். முடிவுகள் தெளிவாகத் தெரிந்தால் ஆகஸ்ட் மாதம் தேர்தல் நடத்தப்படும். இதை செயல்படுத்தும் பொறுப்பு, அரசில் முக்கிய பொறுப்பில் உள்ள ஒருவருக்கு வழங்கப்படும். இவ்வாறு அந்த வட்டாரங்கள் தெரிவித்தன.
இதனிடையே, இம்ரான் கான் அரசுக்கு எதிரான சதிக்கு இந்தியாவும் இஸ்ரேலும்தான் காரணம் என்று அந்நாட்டின் தகவல் மற்றும் தொழில்நுட்பத் துறை அமைச்சர் பவாத் சவுத்ரி குற்றம் சாட்டியுள்ளார்.
விளம்பரம்
